Rypetreffet 14-16 juni 2002
For fjerde året på rad blei Rypetreffet prikkfritt arrangert på Haugen Camping i Sirdalen. Veret var prima på fredagskvelden, og det var omkring 73 registrerte Harleyar. Me hadde nok rekna med endå fleire syklar innafor porten. Men, slik er det berre av og til – og det er ting me ikkje kan forutbestemma samt at det er alltid fleire moment som spelar inn; Det var meldt dårleg ver (heilt svart sirkel på vêrmeldinga), Sykkelbluesfestival i Sandnes, "folkefest" i Stavanger på fredagskvelden samt Noregstreffet på Lutsi ved Sandnes. Med dei tilbakemeldingar me har fått, var det skikkeleg god stemning på fredagskvelden. Gruppa Screamin’ Chicken (namnet er inspirert av Screamin Eagle. Kjem med ein presentasjon av gruppa seinare på WEB sida). Med "Eric Clapton" (Thor Johansen) i spissen, og repertoaret var hovudsakleg frå 60 og 70 åra. Det var skikkeleg trøkk og underholdning, og Harleyfolka kosa seg i fin veret. Gruppa spelte også megamusikk på laurdagskvelden.
Ja, snakk om vêromslag. Underteikna køyrde bil frå Sandnes på laurdagsmorgonen. Det var rett og slett "opne sluser" heilt opp til Sirdalen. Ut på dagen blei det arrangert Poker Run, og veret får ta det meste av skulda for at berre 7 personar deltok i den tradisjonelle tevlinga.
Det var ulike aktivitetar for både dei små og dei store. Ungane storkosa seg med køyring av 4 hjula moped (50 kubikk og med toppfart på 30 km/t). Dei vaksne skulle måla krefter med å holda oppe ei halvfull vasskanne på strak arm.
Nedanfor er det teke med nokre opplysningar i forbindelse med treffet;
- 1 plass Poker Run – Jørgen. Premie: HD reisekrus sett gitt av Dealer HD-Stavanger og CD av Reidar L.
- 2 plass Poker Run – Steve. Premie: HD sigarett etui gitt av vår Dealer HD-Stavanger.
- Sterkaste Rype: Åse Brit (1min.29sek.). Premie: Gåvekort frå vår samarbeidspartnar FJORDLINE – bilpakke Egersund – Hanstholm.
- Sterkast Stegg: Nikki (3min.48 sek.). Premie: Gåvekort frå vår samarbeidspartnar FJORDLINE – midtveke cruise Stavanger – Newcastle.
- Største reir: Chapter Oslo med 13 deltakarar.
- Lengs køyrte Stegg: Horst Binning frå Tyskland (1500 km).
- Lengst køyrte Rype: Tone Aas, Chapter Trondheim (860 km).
- Antall registrerte deltakarar på Rypetreffet 2002: 89 stk.
Stor takk til:
- Alle som møtte opp på Rypetreffet 2002.
- Gruppa Screamin’ Chicken for kjempemusikk både på fredag – og laurdagskveld.
- Alle som "tok eit tak" i forbindelse med rigging / nedrigging av teltleiren, vakthald og andre arbeidsoppgåver.
- Vertsfolket på Haugen Camping for mat / øl servering etc.
- Våre sponsorar / samarbeidspartnarar: Fjordline, Harley Davidson-Stavanger, Bryggen Senter – Hommersåk , AMR Routers, HD NORGE og Sandnes Sentrum AS.
Det var ei givande og gilde stund me hadde på Rypetreffet. Til neste år har me 5 års jubileum.
VEL MØTT TIL RYPETREFFET 2003.
